Երբ թեփոտում է դեմքը

Շատ-շատերի մոտ հատկապես գարնանը սկսում է թեփոտել դեմքը: Ոմանց մոտ դեմքի առանձին հատվածն է թեփոտում, ոմանց մոտ` ամբողջ դեմքը: Դեմքի թեփոտման պատճառները կարող են տարբեր լինել:

Դեմքի ոչ ճիշտ խնամքը, բնակարանների ձմեռվա ջեռուցումը, գարնան արեւը նպաստում են դեմքի մաշկի չորացմանը, որի հետեւանքով էլ այն սկսում է թեփոտել: Այս դեպքերում գոնե ժամանակավորապես պետք է հրաժարվել օճառով ու նույնիսկ ջրով լվացվելուց: Պետք է օգտագործել կոսմետիկական յուղեր ու կոսմետիկական կաթ: Դրա համար ձմռանը նախապես պետք է օգտագործել սնուցող դիմակներ ու քսուքներ:

Գիշերը քնելուց առաջ անպայման պետք է օգտագործել կրեմներ չոր ու զգայուն մաշկի համար: Եթե թեփոտում է մաշկի շրթունքների մոտ գտնվող հատվածը, ապա հնարավոր է՝ պարզապես ալերգիայի արտահայտություն է այս կամ այն կոսմետիկ միջոցներից: Այդ դեպքում պետք է դիմել մասնագետի եւ ընդունել համապատասխան դեղամիջոցներ:

Դեմքի թեփոտման պատճառ կարող է հանդիսանալ նաեւ վիտամինների պակասը: Պետք է հաշվի առնել, որ օրգանիզմը պետք է ստանա բոլոր խմբի վիտամիններից անհրաժեշտ քանակությամբ: Վերջինիս պատճառով, դեմքը թեփոտելու դեպքում, մասնագետի հետ խորհրդակցելուց հետո կարելի է նաեւ անցկացնել տեղային բուժում:

Հարցեր, պատասխաններ, մեկնաբանություններ